Turli xil taqdirlash marosimlari va film premyeralarida olingan suratlarda mashhur ayollar doimgidek mukammal ko‘rinishda bo‘ladi. Bu ham balki ularning san’atga bo‘lgan iste’dodiga qo‘shimcha yutuqdir. Ammo, aslida, taniqli xonimlar shunchaki bir nechta hiylalardan o‘z o‘rnida foydalanadi va buning natijasida muvaffaqiyatli obrazga ega bo‘lish ehtimoli bir necha marta ortadi. AdMe nashrining bugungi qahramonlari nuqsonsiz obraz yaratishda ayollarga xos ayyorlikdan foydalanadigan yulduzlardir.
Chiroqlar yorug‘ida mashhurlar hashamatli dizaynerlik liboslarida paydo bo‘ladi, bu ularning butun obrazini namoyon qiladi. Biroq, shunchaki turish suratga tushishni osonlashtirmaydi, oyoqlarni bir-biriga o‘tkazish esa tamoman boshqa qiyofani aks ettiradi.
Yulduzlar portretni qanday qilib jonlantirishni biladi. Buning uchun ular sochlari bilan muloqot qiladi. Misol uchun, ular barmoqlari bilan sochining bir qismini ushlaydi. Bu bilan aktrisa shunchaki sochini tuzatishga qaror qilgandek ko‘rinadi va shuning uchun suratdagi bu holat tabiiy tuyiladi.
Shuningdek, Anjelina Joli va Sirshi Ronandan o‘rnak olish mumkin: suratga tushayotganda, yelkaga bir siqim soch tashlaydi. Shunday qilib, nafaqat suratni mukammal qilish, balki bo‘yinga ham e’tiborni tortish mumkin.
Mashhur ayollar har lahzadan unumli foydalanadi, ular oldinga bir qadam tashlab, yarim burilgan holatda turadi. Bu go‘zal ko‘rinish bilan birga, tashqi ko‘rinishdagi ayrim kamchiliklarni yashirishga yordam beradi.
Agar aktrisalar qomat bo‘ylab yopishib turgan libos kiygan bo‘lsa, ular yanada nazokatli ko‘rinish uchun kamera qarshisida turish imkoniyatini qo‘ldan boy bermaydi. Buning uchun ular chap oyog‘ini oldinga chiqaradi va son o‘ng tomonga siljiydi, buning natijasida siluet S harfi shaklida egiladi. Qo‘llar ham tana bo‘ylab tushirilishi mumkin.
Bundan tashqari, Emili Blant va Ayshvarya Rayni misol qilish mumkin. Ularning ushbu holati suratning muvaffaqiyatini ikki barobarga oshiradi.
Suratga tushish jarayonida etagi keng ko‘ylakdan foydalanish ajoyib natija ko‘rsatadi. Variant sifatida, libosning matosini bir yoki ikki tomondan biroz ko‘tarish va yon tomonga biroz burilish kifoya.
Qo‘llar cho‘ntakka solish kostyum shimni ham qizil yo‘lakka moslashtirishga imkon beradi. Shunday ko‘rinish bilan suratdagi Emiliya Klark va Juliya Roberts kabi ishonchli obrazni takrorlash mumkin.
Juda nozik qomat egalari esa gavdasini biroz egish orqali suratga tushishni ma’qul ko‘radi. Shunday ko‘rinish orqali qomatdagi kamchiliklarni yashirish, afzalliklarga urg‘u berish mumkin.
Ko‘proq libosning orqa qismiga berilgan bezaklarni yulduzlar, albatta namoyon qiladi. Buning uchun butun gavda bilan orqa tomonga burilib, xuddi birov chaqirgan kadrga qarab turadi. Qo‘llar belda yoki shunchaki tushirib turiladi.
Shuningdek, yulduzlar odatda muxlislarga bo‘sa yuboradi. Bu ham o‘ziga xos uslub. Albatta, bu holatda yorqin lab bo‘yog‘iga ehtiyoj bo‘lishi tabiiy.
Izoh (0)