Турли хил тақдирлаш маросимлари ва фильм премьераларида олинган суратларда машҳур аёллар доимгидек мукаммал кўринишда бўлади. Бу ҳам балки уларнинг санъатга бўлган истеъдодига қўшимча ютуқдир. Аммо, аслида, таниқли хонимлар шунчаки бир нечта ҳийлалардан ўз ўрнида фойдаланади ва бунинг натижасида муваффақиятли образга эга бўлиш эҳтимоли бир неча марта ортади. AdMe нашрининг бугунги қаҳрамонлари нуқсонсиз образ яратишда аёлларга хос айёрликдан фойдаланадиган юлдузлардир.
Чироқлар ёруғида машҳурлар ҳашаматли дизайнерлик либосларида пайдо бўлади, бу уларнинг бутун образини намоён қилади. Бироқ, шунчаки туриш суратга тушишни осонлаштирмайди, оёқларни бир-бирига ўтказиш эса тамоман бошқа қиёфани акс эттиради.
Юлдузлар портретни қандай қилиб жонлантиришни билади. Бунинг учун улар сочлари билан мулоқот қилади. Мисол учун, улар бармоқлари билан сочининг бир қисмини ушлайди. Бу билан актриса шунчаки сочини тузатишга қарор қилгандек кўринади ва шунинг учун суратдаги бу ҳолат табиий туйилади.
Шунингдек, Анжелина Жоли ва Сирши Ронандан ўрнак олиш мумкин: суратга тушаётганда, елкага бир сиқим соч ташлайди. Шундай қилиб, нафақат суратни мукаммал қилиш, балки бўйинга ҳам эътиборни тортиш мумкин.
Машҳур аёллар ҳар лаҳзадан унумли фойдаланади, улар олдинга бир қадам ташлаб, ярим бурилган ҳолатда туради. Бу гўзал кўриниш билан бирга, ташқи кўринишдаги айрим камчиликларни яширишга ёрдам беради.
Агар актрисалар қомат бўйлаб ёпишиб турган либос кийган бўлса, улар янада назокатли кўриниш учун камера қаршисида туриш имкониятини қўлдан бой бермайди. Бунинг учун улар чап оёғини олдинга чиқаради ва сон ўнг томонга силжийди, бунинг натижасида силуэт С ҳарфи шаклида эгилади. Қўллар ҳам тана бўйлаб туширилиши мумкин.
Бундан ташқари, Эмили Блант ва Айшваря Райни мисол қилиш мумкин. Уларнинг ушбу ҳолати суратнинг муваффақиятини икки баробарга оширади.
Суратга тушиш жараёнида этаги кенг кўйлакдан фойдаланиш ажойиб натижа кўрсатади. Вариант сифатида, либоснинг матосини бир ёки икки томондан бироз кўтариш ва ён томонга бироз бурилиш кифоя.
Қўллар чўнтакка солиш костюм шимни ҳам қизил йўлакка мослаштиришга имкон беради. Шундай кўриниш билан суратдаги Эмилия Кларк ва Жулия Робертс каби ишончли образни такрорлаш мумкин.
Жуда нозик қомат эгалари эса гавдасини бироз эгиш орқали суратга тушишни маъқул кўради. Шундай кўриниш орқали қоматдаги камчиликларни яшириш, афзалликларга урғу бериш мумкин.
Кўпроқ либоснинг орқа қисмига берилган безакларни юлдузлар, албатта намоён қилади. Бунинг учун бутун гавда билан орқа томонга бурилиб, худди биров чақирган кадрга қараб туради. Қўллар белда ёки шунчаки тушириб турилади.
Шунингдек, юлдузлар одатда мухлисларга бўса юборади. Бу ҳам ўзига хос услуб. Албатта, бу ҳолатда ёрқин лаб бўёғига эҳтиёж бўлиши табиий.
Изоҳ (0)