Shavkat Mirziyoyev 19-iyun kuni Hindistonning shimoli-sharqidagi hududlarda yuz bergan tabiiy ofatlar sabab mamlakat prezidenti Ram Nath Kovind va bosh vazir Narendra Modiga hamdardlik yo‘lladi. Bu haqda prezident matbuot kotibi xabar qildi.
NDTV agentligining ma’lumotlariga ko‘ra, 18-iyun kuni Hindistonning shimoli-sharqi va Bangladeshda suv toshqinlari yuz bergan. Oqibatda Assam va Megxalaya shtatlarida kamida 62 kishi halok bo‘lgan. Assamdagi 33 ta tumandan 32 tasi suv ostida qolgan, 156 mingdan ortiq kishi vaqtinchalik yashash lagerlariga ko‘chib o‘tgan. Yomg‘ir va ko‘chkilar kamida 230 ta yo‘l va 16 ta ko‘prikni vayron qilgan.
Eslatib o‘tamiz, Shavkat Mirziyoyev 9-iyun kuni Eronning Janubiy Xuroson muzofotida yo‘lovchi poyezdi falokatga uchrashi va qurbonlar kuzatilgani munosabati bilan mamlakat prezidentiga hamdardlik yo‘llagan.
Izoh (0)