Osiyo futbol konfederatsiyasi (OFK) U-23 Osiyo Kubogi finalini boshqaradigan hakamlar ro‘yxatini e’lon qildi.
O‘FAning yozishicha, O‘zbekiston — Saudiya Arabistoni o‘rtasidagi musobaqaning hal qiluvchi o‘yinini qatarlik hakamlar brigadasi boshqarib boradi. Bosh hakam — Salman Ahmad Falahi. Unga qanotlarda Yusuf Aref ash-Shamari hamda Zahiy Snaid ash-Shammari yordam beradi.
Uchrashuvda VAR hakami vazifasi Omar Muhammad Ahmad Hassanga (BAA) topshirilgan.
Eslatib o‘tamiz, final uchrashuvi 19-iyun, yakshanba kuni soat 18:00 da “Bunyodkor” stadionida bo‘lib o‘tadi.
Izoh (0)