Bosh vazir juma kuni tushdan keyin Tori shimoliy deputatlari, kengash a’zolari va biznes rahbarlari oldida nutq so‘zlashi kerak edi.
Sky News siyosiy muharriri o‘rinbosari Sem Koates bugun ertalab sammit tashkilotchilari bosh vazirning yo‘qligidan “hayratda” qolganini, ammo ularga buning uchun “uzrli sabab” borligi va bu “yetarli ahamiyatga ega” ekanligini aytishganini ma’lum qildi.
Dauning-strit (Britaniya hukumati va parlament joylashgan ko‘cha) bosh vazir urush boshlanganidan beri Ukrainaga ikkinchi tashrifini amalga oshirish uchun konferensiyada qatnashmaganini tasdiqladi.
Bosh vazir ko‘p o‘tmay o‘z Twitter sahifasida shunday deb yozdi: “Janob prezident, Vladimir, yan bir bor Kiyevda ekanimdan xursandman”.
Jonson aprel oyida Kiyevga tashrif buyurgan birinchi G7 yetakchisiga aylangan edi.
Ukraina Mudofaa vazirligi o‘shanda shunday yozgan edi: “Biz Boris Jonsonni Kiyevda ko‘rganimizdan xursandmiz... Boris kabi jasur bo‘ling. Ukraina kabi jasur bo‘ling”.
Izoh (0)