Дунёдаги энг қиммат бренд маълум бўлди

Kantar’нинг BrandZ Топ 100 энг қиммат глобал брендлар рўйхати эълон қилинди. Унда Apple энг қиммат бренд сифатида биринчи ўринни эгаллаган.

Apple брендининг қиймати ўтган йил давомида 947,1 млрд долларга ошган. Компания 2015 йилдан бери биринчи марта етакчиликни қўлга киритди.

Иккинчи ўринни Google эгаллади, компания қиймати 820 млрд долларга баҳоланди. Amazon эса аввалги биринчи ўрнидан 705,6 млрд доллар натижа билан учинчи ўринга тушиб кетди.

Microsoft 611,5 млрд доллар билан тўртинчи, Хитой интернет гиганти ва WeChat эгаси Tencent эса 214 млрд доллар билан бешинчи ўринни эгаллади.

Дунёдаги энг қиммат брендлар ўнлигига McDonald’s (197 млрд доллар), Visa (191 млрд доллар), Facebook (186 млрд доллар), Alibaba (170 млрд доллар) ва Louis Vuitton (124 млрд доллар) кирди.

Илон Маск томонидан асос солинган Tesla (75 млрд доллар) 29-ўринни эгаллади.

Аввалроқ дунёдаги энг қиммат медиа бренд эълон қилингани ҳақида хабар берилганди.