“Energetika vazirligi huzuridagi Milliy dispetcherlik markazi davlat unitar korxonasining faoliyatini tashkil etish chora-tadbirlari to‘g‘risida”gi Vazirlar Mahkamasi qarori qabul qilindi.
Markaz tashkiliy-huquqiy shaklidan qat’i nazar, yagona elektr energetika tizimiga ulangan tashkilotlarni markazlashgan, uzluksiz, operativ-dispetcherlik boshqaruvini amalga oshiradi hamda ushbu tizimning ishlashini qo‘shni davlatlar energetika tizimlari bilan parallel ravishda boshqaradi.
Markazning asosiy vazifalari quyidagilardan iborat:
- talab va taklifdan kelib chiqqan holda, shuningdek, elektr energiyasini ishlab chiqarish va iste’mol qilishga ta’sir etuvchi barcha omillarni hisobga olgan holda elektr energiyasini ishlab chiqarish va iste’mol qilishning soatlik rejimini shakllantirish;
- favqulodda rejimlarning paydo bo‘lishining oldini olish, ularni bartaraf etish va avariya holatini bartaraf etgandan keyin tizimning ishini tiklash va boshqalar.
Energetika vazirligi bir oy muddatda:
- Milliy dispetcherlik markazi yuqori malakali mutaxassis xodimlar bilan to‘ldirish choralarini ko‘radi;
- Milliy dispetcherlik markazining 2022-yil uchun daromadlar va xarajatlar smetasini tasdiqlaydi va Moliya vazirligiga ro‘yxatdan o‘tkazish uchun kiritadi.
Izoh (0)