Ijtimoiy tarmoqlarda guvohlar tomonidan tasvirga olingan video mashhurlikka erishmoqda: unda Chery Tiggo 8 da o‘tirgan Tesla rahbari Ilon Maskni ko‘rish mumkin. Krossover ro‘yxatga olingan raqamlarga ko‘ra, videodagi holatda Xitoy emas, balki Braziliya tasvirlangan — Mask rostdan may oxirlarida ushbu mamlakatga tashrif buyurgandi, Chery’ning esa bu yerda avtomobil yig‘ish korxonasi bor, deb xabar beradi Motor.
“Xitoy avtomobillari” portalining aniqlashicha, rolik San-Pauluda olingan va Chery zavodi aynan shu yerda joylashgan — Xitoy markasining Janubiy Amerikadagi birinchi korxonasi. Zavodning qurilish ishlari 2011-yilda boshlangan edi, kiritilgan investitsiya esa 400 million dollar. Ayni vaqtda u yerda Tiggo 2, Tiggo 3x va Arrizo 6 Pro modellari yig‘iladi. Ilon Mask harakatlangan Tiggo 8 krossoveri ham mamlakatda taqdim etilgan, Chery Braziliyada jami 9 ta modelini yig‘adi.
Ilon Mask San-Pauluga may oxirlarida mamlakat prezident Jair Bolsonaru bilan Amazonkadagi tropik o‘rmonlar himoyasi loyihasini muhokama qilish uchun kelgan edi. Shuningdek, uchrashuvda aloqalar, investitsiyalar, innovatsiya va Braziliyaning iqtisodiy potensialini mustahkamlovchi ilg‘or texnologiyalardan foydalanish masalalari ham ko‘tariladi.
Braziliyada Chery Tiggo 8 narxi salkam 202 ming realni (41,1 ming dollar) tashkil etadi.
Izoh (0)