Uzbekistan Airways Express Toshkentdan Krasnoyarskka parvozlarni yo‘lga qo‘ymoqda. Bu haqda aviakompaniya axborot xizmati xabar qildi.
Qayd etilishicha, 25-iyundan Toshkent—Krasnoyarsk—Toshkent xalqaro yo‘nalishi bo‘yicha ilk qatnov amalga oshiriladi. Muntazam parvozlar haftada bir marta — shanba kunlari bo‘lib o‘tadi.
- Toshkentdan uchish: 17:30 (Toshkent vaqti bilan)
- Krasnoyarskka yetib borish: 23:00 (Krasnoyarsk vaqti bilan)
- Krasnoyarskdan uchish: yakshanba kuni 00:30 (Krasnoyarsk vaqti bilan)
- Toshkentga yetib borish: yakshanba kuni 02:15 (Toshkent vaqti bilan)
2021-yilda Uzbekistan Airways O‘zbekiston mustaqilligining 30 yilligiga bag‘ishlab faqat ekonom-klassdan iborat yangi modeldagi aviaqatnovlarni boshlagan. Ilk Uzbekistan Airways Express aviaqatnoviga Bandlik va mehnat munosabatlari vazirligi bilan hamkorlikda 22 nafar migrant-yo‘lovchilar taklif etilib, ularga bir martalik Toshkent—Moskva yo‘nalishiga bepul aviachiptalar hadya etilgan edi.
Izoh (0)