8 июнь куни президент Сердар Бердимуҳамедов Туркманистон Сув таъминотини таъминлаш масалалари бўйича бош вазирнинг янги ўринбосари, агросаноат комплексига масъул Аннагелди Язмиродов билан учрашув ўтказди, деб хабар бермоқда ТДҲ давлат ахборот агентлиги.
Язмиродов президентга Тошҳовуз вилоятининг сув таъминотидаги камчиликларни тузатиш ишлари олиб борилганини ҳақида хабар қилган.
«Ҳозирги вақтда вилоятдаги дарёларда сув сатҳининг барқарорлиги туфайли қишлоқ хўжалиги ерларини сув билан таъминлаш яхшиланди», деб ёзади ТДҲ.
30 май куни бўлиб ўтган йиғилишда Сердар Бердимуҳамедов Тошҳовуз вилояти ҳокими Назармурат Назармурадов фаолиятидан норозилигини билдирганди. Президент вилоят қишлоқ хўжалигида олиб борилаётган ишлар паст суръатда эканини таъкидлаб, уларнинг ташкилий даражасидан норозилигини айтган. Йиғилишдан бир неча кун олдин Бердимуҳамедов Тошҳовуз вилоятида бўлиб, сув хўжалиги давлат қўмитаси раиси Гуйзгелди Байжановга сув таъминоти соҳасидаги муаммолар учун қаттиқ танбеҳ берган. Тошҳовуз вилояти учинчи йилдирки, далаларни суғоришда сув танқислигидан азият чекмоқда.
ТДҲ Дуябоюн сув омборидан бошланувчи Шасен ва Туркман дарёлари оралиғидаги водийда йирик сунъий сув омбори қуришга тайёргарлик кўрилаётганини маълум қилди.
Президент 11 июнь куни Вазирлар Маҳкамасининг йиғилишини ўтказишини айтди ва Язмиродовга «минтақадаги сув билан боғлиқ мураккаб вазиятни ҳисобга олган ҳолда» тегишли кўрсатмалар берди:
- Бош вазир ўринбосари бошчилигида Ҳукумат комиссиясини тузиш ва унинг таркибига Олий назорат палатаси, Давлат сув хўжалиги қўмитаси, Қишлоқ хўжалиги вазирлиги, илмий муассасалар, вилоят ҳокимликлари раҳбарларини киритиш;
- Амударё ва Қорақумдан бошлаб дарё ўзанларини текшириш ва оқимига тўсқинлик қилаётган сабабларни аниқлаш. Уларни бартараф қилиш учун тезда ҳаракат режасини тузиш ва уни амалга оширишни бошлаш. Бундан ташқари, техника, дреддер ва сув насослари ҳамда уларга эҳтиёт қисмлар сотиб олиш учун маблағ ажратиш бўйича таклифлар тайёрлаш (ҳозирда халқаро ташкилотлар мамлакат сув ҳавзаларини тозалашга ёрдам бермоқда. Шунингдек, кўплаб ҳудудлар аҳолиси буни қўлда бажаришга мажбур);
- дарёлардан ташқари, асосий сув каналларини текшириш, шунингдек уларни тозалаш ва бетонлаштириш бўйича чора-тадбирлар режасини ишлаб чиқиш ва уни амалга оширишни давом эттириш;
- сувни тузсизлантириш заводлари қурилишини бошлаш ва Ашхободга Каспий денгизидан сув етказиб бериш имкониятларини кўриб чиқиш;
Эслатиб ўтиш керакки, 2021 йил Туркманистон учун энг қурғоқчи йиллардан бирига айланганди. Ўтган йилнинг ёзида Ашхободда кучли қурғоқчилик туфайли сув таъминоти мунтазам ўчирилиб, сув шаҳар бўйлаб автомашиналарида ташилган.
Изоҳ (0)