O‘zbekiston milliy terma jamoasi bosh murabbiyi Srechko Katanes Osiyo Kubogi—2023 saralashi doirasidagi Shri-Lankaga qarshi uchrashuvdan (3:0) so‘ng matbuot anjumanida ishtirok etdi.
Avvalo shogirdlarimga rahmat aytaman. Chunki bugun ular o‘z jarima maydonchasi ichida himoyalangan jamoaga qarshi gol urish uchun maksimal darajada imkoniyat qidirdi. Har xil uslubda hujumlar tashkil etib, raqib himoyasini yorib kirishga harakat qildi. Uchrashuvdagi qiyin vaziyatlarda standartlar orqali maqsadiga yetdi.O‘zbekiston Osiyo Kubogi—2023 saralash bosqichining 1-turida Shri-Lanka ustidan 3:0 hisobida g‘alaba qozondi. Terma jamoa 11-iyun kuni 2-tur doirasida Maldiv orollari bilan bahs olib boradi.Faqat himoyalanadigan jamoalarga qarshi o‘ynash har doim qiyin hisoblanadi. Men hamisha o‘yinning oxiriga qadar xotirjamlikka berilib bo‘lmasligini ta’kidlab kelaman. Oldimizda yana 2 ta muhim uchrashuv bor. Ularga jiddiy tayyorgarlik ko‘rib, natijamizni yaxshilab borishga harakat qilamiz.
Oston O‘runov haqida
Boshqa o‘yinchilarga imkon berdim. Musobaqa yakuniga qadar barcha futbolchilarga imkoniyat berishga harakat qilaman.
Jamoani shakllantirish davom etayotgani haqida
Jamoa hamon shakllanishda davom etmoqda. Shukurov, Shomurodov, Masharipov kabi futbolchilar jamoaning asosiga aylandi. Ular bilan jiddiyroq natijaga erishamiz, deb o‘ylayman. Bizda yosh, talantli futbolchilar ham ko‘p. Terma jamoaga nafaqat jamoaviy o‘ynaydigan, balki individual o‘yinchilar ham kerak, chunki bularsiz pas bilan natijaga erishib bo‘lmaydi.
Srechko Katanes, O‘zbekiston terma jamoasi bosh murabbiyi
Izoh (0)