Ўзбекистон миллий терма жамоаси бош мураббийи Сречко Катанец Осиё Кубоги—2023 саралаши доирасидаги Шри-Ланкага қарши учрашувдан (3:0) сўнг матбуот анжуманида иштирок этди.
Аввало шогирдларимга раҳмат айтаман. Чунки бугун улар ўз жарима майдончаси ичида ҳимояланган жамоага қарши гол уриш учун максимал даражада имконият қидирди. Ҳар хил услубда ҳужумлар ташкил этиб, рақиб ҳимоясини ёриб киришга ҳаракат қилди. Учрашувдаги қийин вазиятларда стандартлар орқали мақсадига етди.Ўзбекистон Осиё Кубоги—2023 саралаш босқичининг 1-турида Шри-Ланка устидан 3:0 ҳисобида ғалаба қозонди. Терма жамоа 11 июнь куни 2-тур доирасида Мальдив ороллари билан баҳс олиб боради.Фақат ҳимояланадиган жамоаларга қарши ўйнаш ҳар доим қийин ҳисобланади. Мен ҳамиша ўйиннинг охирига қадар хотиржамликка берилиб бўлмаслигини таъкидлаб келаман. Олдимизда яна 2 та муҳим учрашув бор. Уларга жиддий тайёргарлик кўриб, натижамизни яхшилаб боришга ҳаракат қиламиз.
Остон Ўрунов ҳақида
Бошқа ўйинчиларга имкон бердим. Мусобақа якунига қадар барча футболчиларга имконият беришга ҳаракат қиламан.
Жамоани шакллантириш давом этаётгани ҳақида
Жамоа ҳамон шаклланишда давом этмоқда. Шукуров, Шомуродов, Машарипов каби футболчилар жамоанинг асосига айланди. Улар билан жиддийроқ натижага эришамиз, деб ўйлайман. Бизда ёш, талантли футболчилар ҳам кўп. Терма жамоага нафақат жамоавий ўйнайдиган, балки индивидуал ўйинчилар ҳам керак, чунки буларсиз пас билан натижага эришиб бўлмайди.
Сречко Катанец, Ўзбекистон терма жамоаси бош мураббийи
Изоҳ (0)