“Real” yarim himoyachisi Luka Modrich madridliklar bilan amaldagi shartnomasini uzaytirdi. Bu haqda ispan klubi matbuot xizmati ma’lum qildi.
Xorvatiyalik futbolchi “Real” bilan 2023-yilning yoziga qadar mo‘ljallangan shartnomaga imzo chekdi.
Ma’lumot uchun, Modrich 2012-yilda “Tottenhem”dan “Real”ga o‘tgan. 10 yildan buyon “qaymoqranglilar” sharafini himoya qilib kelayotgan Luka 3 marta Ispaniya chempionati, 1 marta Ispaniya Kubogi, 4 marta Ispaniya Superkubogi, 5 marta Chempionlar Ligasi, 3 marta UEFA Superkubogi, 4 marta Klublar o‘rtasidagi Jahon chempionatida zafar quchgan.
2021/22-yilgi mavsumda 36 yoshli yarim himoyachi La Liganing 28 ta o‘yinida ishtirok etib, 2 ta gol urdi va 8 ta golli uzatmani amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)