Samarqand viloyatining Narpay tumanidagi oziq-ovqat do‘konlarida 5-iyun kuni yong‘in sodir bo‘ldi. Holat aks etgan videolar ijtimoiy tarmoqlarda tarqaldi.
Viloyat FVBning ma’lum qilishicha, tumanning “Sari bozor” MFYda joylashgan oziq-ovqat do‘konlarida yong‘in sodir bo‘layotgani to‘g‘risidagi xabar soat 20:21 da kelib tushgan.
Voqea joyiga jalb etilgan 5 ta yong‘in-qutqaruv ekipajlari soat 20:35 da yetib borgan va soat 22:10 da yong‘in to‘liq bartaraf etilgan.
Yong‘in oqibatida 3 ta oziq-ovqat do‘konlarining taxminan 70 kvadrat metr maydonda shift, tom qismi va oziq-ovqat mahsulotlari yonib, zararlangan.
Qayd etilishicha, hodisa oqibatida halok bo‘lgan va jabrlanganlar yo‘q. Hozirda tergovga qadar tekshirish ishlari olib borilmoqda.
Izoh (0)