Futbol bo‘yicha U-23 Osiyo Kubogi—2022 musobaqasi doirasida O‘zbekiston U-23 terma jamoasi 4-iyun, shanba kuni Qatar bilan bahs olib bordi.
“Paxtakor” stadionida o‘tgan bahs Temur Kapadze shogirdlarining 6:0 hisobidagi g‘alabasi bilan yakunlandi. Gollarga Jasur Jaloliddinov, Hojimat Erkinov, Husayn Norchayev, Ulug‘bek Hoshimov va Ruslanbek Jiyanov mualliflik qildi. Yana bir vaziyatda esa Yusuf Ayman o‘z darvozasiga gol kiritib qo‘ydi.
Shu tariqa O‘zbekiston U-23 terma jamoasi Qatarni yirik hisobda mag‘lub etib, muddatidan avval pley-off yo‘llanmasini qo‘lga kiritdi. Jamoa o‘tgan turda Turkmanistondan ustun kelgandi.
Terma jamoa 3-turni Qarshida Eronga qarshi o‘tkazadi, chorak finalda B guruhida 2-o‘rinni egallaydigan jamoaga qarshi bahs olib boradi.
Osiyo Kubogi—2023
2-tur bahsi
4-iyun, shanba
Qatar U-23 — O‘zbekiston U-23 0:6
Gollar: 0:1 — 5, Jaloliddinov, 0:2 — 20, Erkinov, 0:3 — 45+1, Norchayev, 0:4 — 60, Hoshimov, 0:5 — 63, Yusuf Ayman (avtogol), 0:6 — 67, Jiyanov.Qatar U-23: 22.Saloh Zakariya, 2.Ali Malola, 5.Yusuf Ayman, 6.Osama Abdulkarim, 7.Abdulrashid Umar, 8.Mustafo Tariq, 9.Yusuf Abdurisag, 10.Hoshim Ali, 12.Abdulla Isa al Sulaiti, 15.Jassim Gaber Abdulsalom, 19.Ahmad Suhayl.
Zaxira: 1.Mahmud Ibrohim, 3.Diyab Harun, 4.Muhammad Emad, 11.Jassim Muhammad al-Mehairi, 13.Muhammad Holid, 14.Andri Syaputra, 16.Faisal Muhammad, 17.Holid Volid Mansur, 18.Mekki Tombari, 20.Ahmad al-G‘ani, 21.Maruan Sharif, 23.Jassim Muhammad ash-Sharshani.
O‘zbekiston U-23: 1. Abduvohid Ne’matov, 2.Saidazamat Mirsaidov, 3. Doston Tursunov, 5. Muhammadqodir Hamraliyev, 7. Hojimat Erkinov, 8.Ibrohim Ibrohimov, 9.Ulug‘bek Hoshimov, 10. Jasur Jaloliddinov, 16. Alibek Davronov, 19. Husayn Norchayev, 23. Abduraf Bo‘riyev.
Zaxira: 12.Vladimir Nazarov, 21.Hamidullo Abdunabiyev, 4.Abubakr Rizo Turdialiyev, 6. Jaloliddin Sodiqov, 11. Otabek Jo‘raqo‘ziyev, 13. Eldor Begimov, 14.Abbosbek Fayzullayev, 15.Odilbek Abdumajidov, 16. Shahzod Toirov, 17. Diyor Xolmatov 20.Ruslanbek Jiyanov, 22.Alisher Odilov.
Izoh (0)