BAAning eng yirik shahrida joylashgan Action to Action kompaniyasi biznes-markazida tashqi ko‘rinishi insonga o‘xshash robot administrator sifatida ish boshladi. Rossiya kompaniyasi tomonidan yaratilgan Robo-C nomli robot birinchi marta xorijda ofis xodimi sifatida xizmat ko‘rsatmoqda, deb xabar beradi Hi-Tech.Mail.ru.
“Bizning vazifamiz — inson-mashina o‘rtasidagi aloqaga o‘rnatilgan to‘siqni buzib tashlash”, — deydi Promobot direktorlar kengashi raisi Aleksey Yujakov. Uning so‘zlariga ko‘ra, inson ko‘rinishidagi robot ideal xizmat ko‘rsatish formulasi hisoblanadi: u tashqi jihatdan odamga o‘xshaydi, biroq robot dasturi bo‘yicha muloqot qiladi.
Robotning standart tashqi ko‘rinishi Promobot direktorlar kengashi raisining yuz tuzilishi uslubida yaratilgan, biroq Android’ni mahalliy sharoitga moslashtirish uchun unga o‘sha joyga xos elementlar ham qo‘shilgan.
“Ko‘rinishi odamga o‘xshash robot — ajoyib keys, shu bilan birga, biz bu yo‘lning boshida turibmiz. Texnologik baza va samaradorlik imkoniyatlar hamda robotlar ishlatiladigan sohadan kelib chiqib takomillashtiriladi”, — deydi Action to Action bosh direktori Rami Kabani.
Bundan oldin, Tesla kompaniyasi 2022-yilda o‘zining Tesla Bot nomli odamsimon robotini taqdim etishi to‘g‘risida xabar berilgandi.
Izoh (0)