“Manchester Siti” himoyachisi Benjamen Mendiga yangi ayblovlar qo‘yildi.
1-iyun kuni Chester sudi majlisida sudya Stiven Everett jinsiy zo‘ravonlik bo‘yicha sakkizinchi ayblov haqidagi ma’lumotlarni e’lon qilishga qo‘yilgan taqiqni bekor qildi.
Bungacha fransiyalik futbolchiga jinsiy zo‘ravonlik bo‘yicha 7 ta, tegajog‘likka doir jinoyat bo‘yicha bitta ayblov qo‘yilgandi. Uning umrbod qamoq jazosini olishi mumkinligi aytilgandi.
Shu tariqa Mendiga jinsiy zo‘ravonlik bo‘yicha qo‘yilgan ayblovlar soni 10 taga yetdi: yuqoridagilardan tashqari jinsiy zo‘ravonlikning bir ko‘rinishi va zo‘rlashga urinish haqida ham gap ketmoqda.
Ayblanuvchi Lui Saa Matturi bilan birgalikda 25-iyul kuni sud oldida javob beradi.
Mendi so‘nggi bor 2021-yil 15-avgust kuni maydonga tushgan edi.
Izoh (0)