Angliyaning “Uembli” stadioni Argentina va Italiya terma jamoalari o‘rtasidagi Finalissimaga mezbonlik qildi.
Uchrashuvning 28-daqiqasida Lionel Messining uzatmasidan keyin Lautaro Martines hisobni ochdi. Birinchi bo‘limga qo‘shib berilgan vaqtda Anxel di Mariya argentinaliklarning ikkinchi golini urdi.
Ikkinchi bo‘limning so‘nggi daqiqalarida Paulo Dibala yakuniy hisobni o‘rnatdi va Argentina terma jamoasi Finalissima bosh sovriniga ega chiqdi.
Finalissima — Amerika Kubogi va Yevropa chempionati g‘oliblari o‘rtasida o‘tkaziladigan o‘yin. Argentina terma jamoasi Kopa Amerikaning amaldagi g‘olibi bo‘lsa, “skuadra adzurra” Yevro—2020 sovrindori hisoblanadi.
Finalissima—2022
Italiya — Argentina 0:3
Gollar: 0:1 – 28 Martines, 0:2 – 45+1 di Mariya, 0:3 – 90+4 Dibala.Italiya: Donnarumma, Di Lorenso, Bonuchchi, Kyellini (Lazzari, 46), Emerson (Bastoni, 77), Pessina (Spinatssola, 62), Jorjinyo, Barella, Bernardeski (Lokatelli, 46), Belotti (Skamakka, 46), Raspadori.
Argentina: Emiliano Martines, Talyafiko, Molina, Romero (Petselya, 85), Otamendi, Di Mariya (Gonsales, 90), de Paul (Palasios, 76), Rodriges, Messi, Lo Chelso (Dibala, 90), Martines (Alvares, 85).
Izoh (0)