Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov “Ozod Yevropa Radiosi” / “Radio Svobodnaya Yevropa” (“Ozodlik radiosi”) mediakorporatsiyasi prezidenti va bosh ijrochi direktori Jeymi Flay bilan uchrashdi. Bu haqda Allamjonov o‘zining Telegram’dagi kanali orqali ma’lum qildi.
Shuningdek, Allamjonovga ko‘ra, “Ozodlik”ning o‘zbek xizmati bosh muharriri Pahlavon Sodiq bilan navbatdagi, ammo yuzma-yuz uchrashuv o‘tkazilgan.
Uchrashuvda hamkorlik imkoniyatlari muhokama qilingan va har ikki tomon uchun dolzarb masalalar yuzasidan fikr almashilgan.
Ma’lumot uchun, “Ozodlik radiosi” bir qancha Sharqiy Yevropa mamlakatlari hamda sobiq Sovet Ittifoqi respublikalariga eshittirishlar olib boruvchi notijoriy, nodavlat xalqaro radiostansiya. U Sharqiy Yevropa, O‘rta Osiyo va O‘rta Sharq mamlakatlari haqida yangilik va ma’lumot berib boradi. “Ozodlik radiosi” 28 tilda, shu jumladan, o‘zbek tilida ham translatsiya qiladi.
Izoh (0)