Toshkent shahar Sergeli tumanidagi tekstil ishlab chiqarish fabrikasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga iqtisodiy sud hukmi bilan Yunusobod tumani MIB tomonidan joylashtirilgan. 2018-yilda qurilgan 3 qavatli bino 21 ta xonadan iborat.
Yer uchastkasining umumiy maydoni — 8,0 gektar. Binoning maydoni — 7 610 kvadrat metr. Fabrikada gaz, suv, elektr ta’minoti mavjud bo‘lsa, kanalizatsiya tizimi yo‘q.
Auksionga qo‘yilgan fabrikaning boshlang‘ich bahosi — 39,3 mlrd so‘m. Arizalar 20-iyun 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkent shahridagi 12 xonali hovli MIB tomonidan qariyb 4 mlrd so‘mga auksionga qo‘yilgani haqida xabar berilgan edi.
Izoh (0)