Ijtimoiy tarmoqlarda Qashqadaryo viloyatining G‘uzor tumanida eshak so‘yilgani xabar berildi. G‘uzor tumani hokimligi mazkur holatga munosabat bildirdi.
Aniqlanishicha, eshak so‘yish ishi tumanning “Eshonquduq” mahallasi Abduhamid qishlog‘idagi xonadonlardan birida sodir bo‘lgan.
“G‘uzor tumani hokimi Bekzod Suyunov ‘Eshonquduq’ mahallasi Abduhamid qishlog‘ida bo‘lib, sektor rahbarlari, mutasaddi tashkilot rahbarlari va keng jamoatchilik vakillari ishtirokida holatni muhokama qildi. Muhokama davomida eshak so‘ygan xonadon egalarining, mahalla faollari va profilaktika inspektorining fikrlarini eshitildi. Shundan so‘ng, tuman hokimi, sektor rahbarlari, mutasaddi tashkilot rahbarlari va mahalla faollari fuqaro N.R.ning xonadonida bo‘lishdi”, — deyiladi tuman hokimligining rasmiy axborotida.
Qayd etilishicha, hokim eshak so‘yilgan xonadonga qo‘shni turuvchi ahvoli vakillari bilan suhbatlashib, muammo ko‘lamini o‘rgangan.
“Bugungi kunda G‘uzor tumanida davlatimiz rahbarining tashabbuslari bilan tarixiy o‘zgarishlar amalga oshirilmoqda. Ammo sodir bo‘lgan bu holat g‘uzorliklarni obro‘siga salbiy ta’sir ko‘rsatdi, albatta bunga aloqador har bir shaxslarga nisbatan qonunda belgilangan jazo qo‘llaniladi”, — degan tuman hokimi aholi bilan suhbati davomida.
Qo‘shimcha qilinishicha, holat yuzasidan hududga mas’ul bo‘lgan ichki ishlar bo‘limi xodimlari, mahalla fuqarolar yig‘ini raisi va xotin-qizlar faoliga nisbatan xizmat tekshiruvi tayinlangan.
“O‘tkazilgan xizmat tekshiruvlari natijasiga ko‘ra, mazkur holat sodir etilishiga yo‘l qo‘ygan mutasaddilarga nisbatan tegishli choralar ko‘riladi”, — deyiladi xabarda.
Izoh (0)