Namangan shahrida o‘tkazilgan “Tig‘” tadbirlari davomida fuqarolardan jami 120 ta xavfli buyum olib qo‘yildi. Bu haqda “Daryo” muxbiri Azizbek Abduvaliyev xabar bermoqda.
Ushbu buyumlardan 82 tasi pichoq, 30 tasi kastet va 8 tasi bita hisoblanadi. Ular fuqarolar tomonidan noqonuniy ravishda olib yurilgani aniqlanib, Ma’muriy javobgarlik to‘g‘risidagi kodeksning 185-moddasi asosida hujjatlar rasmiylashtirildi.
Jumladan, Namangan shahar ichki ishlar organlari faoliyatini muvofiqlashtirish boshqarmasi tomonidan o‘tkazilgan “Tig‘” tadbiri davomida shahar markazidagi “Sardoba” bozorida erkaklar kamarini sotayotgan sotuvchi xodimlar e’tiborini tortdi. U tomonidan xaridorlarga taklif etilayotgan mahsulotlar o‘rganilganida kamarlarning bir qismi aslida kastet ekanligi aniqlandi.
Mazkur kastetlar musodara etilib, sotuvchiga nisbatan tegishli chora ko‘rilgani bildirilmoqda.
Izoh (0)