Германиядаги инфляция яна бир рекорд даражага етди. Бу ҳақда Bloomberg хабар бермоқда.
Душанба куни эълон қилинган маълумотларга кўра, май ойида қитъанинг энг йирик иқтисодиёти ҳисобланган Германияда истеъмол нархлари ўтган йилга нисбатан 8,7 фоизга ошган.
Ҳисобот Европа Марказий банкининг муҳим йиғилишидан атиги 10 кун олдин маълум қилинади. Унда амалдорлар йирик миқёсдаги активларни сотиб олиш якунлари ҳақида эълон қилади. Бу эса ўн йилдан ортиқ вақт ичида биринчи марта июль ойида Европа Марказий банкининг фоиз ставкаларини ошириш режаларини тасдиқлайди.
Германия облигациялари пасайишда давом этмоқда. Инфляция кўрсаткичлари ҳукуматга босимни кучайтиради, чунки уй хўжаликлари янада қийинчиликларга дуч келади.
Германия молия вазири Кристиан Линднер душанба куни бошида нархларнинг ўсишига қарши курашни «биринчи устувор вазифа» деб атаб, кенг қамровли фискал сиёсатга чек қўйишни ёқлади.
Линднер Берлиндаги матбуот анжуманида «Инфляция — бу катта иқтисодий хавф. Иқтисодий инқироз юзага келмаслиги ва инфляция ўз-ўзидан озиқланадиган спирал пайдо бўлиши учун биз бунга қарши курашишимиз керак», — дейди Линднер Берлиндаги матбуот анжуманида.Европа Марказий банки сиёсатчилари, шу жумладан, президент Кристин Лагард ҳам худди шундай хавотирларни билдиришди.
Россиянинг Украинага бостириб кириши ортидан саноат узлуксиз муаммолар ва энергия таъминотидаги ноаниқликдан азият чекаётган бир пайтда нархларнинг ўсиш суръати истеъмолни сусайтириши мумкин.
Иқтисодчиларнинг айтишича, ҳозирда инфляция ўзининг энг юқори чўққисига чиққан бўлса-да, уй хўжаликлари анча вақт қийинчиликларга учрайди.
Германияда парламент қуйи палатаси бир марталик тўлов, болаларга қўшимча маблағ ва электр энергияси нархларини камайтиришни ўз ичига олган ёрдам чоралари пакетини қабул қилди.
Аввалроқ Германия яқинлашиб келаётган глобал озиқ-овқат фалокатидан огоҳлантирган эди.
Изоҳ (0)