O‘zbekistonda 2021/2022-o‘quv yili boshiga jami oliy ta’lim tashkilotlari soni 154 tani tashkil etib, ularda 808,4 ming nafar talaba tahsil olmoqda. Bu haqda Davlat statistika qo‘mitasi xabar qildi.
Qayd etilishicha, shundan 439,4 ming nafarini yigitlar, 369 ming nafarini qizlar tashkil etadi.
2020-yilning 1-yanvar holatiga ko‘ra, YUNЕSKOning Statistika instituti ma’lumotlariga ko‘ra, 53 ming nafar o‘zbekistonlik talaba xorijda tahsil olmoqda. O‘zbekistonga chegaradosh va ayrim MDH mamlakatlari bo‘yicha xorijda tahsil olayotgan talabalar soni:
- Qozog‘iston – 89,3 ming nafar;
- Ukraina – 77,6 ming nafar;
- Turkmaniston – 63,6 ming nafar;
- O‘zbekiston – 53 ming nafar;
- Rossiya – 48,2 ming nafar;
- Afg‘oniston – 31,5 ming nafar;
- Tojikiston – 27,6 ming nafar;
- Belarus – 23 ming nafar;
- Qirg‘iziston – 13 ming nafar.
Ma’lumot uchun, O‘zbekistonda 2021-yilda barcha oliy ta’lim tashkilotlarini bitirgan talabalar soni 103,9 ming nafarni tashkil etgandi.
Izoh (0)