Turk lirasi AQSH dollariga nisbatan besh oylik eng past darajaga tushib ketdi. Bunga pul-kredit siyosati so‘nggi 20 yildagi eng tez inflyatsiya sur’atini cheklash uchun juda erkin qolgani sabab qilib ko‘rsatilmoqda. Bu haqda Bloomberg xabar berdi.
24-mayda lira bir dollar uchun 0,7 foizga pasayib, 16,0477 ni tashkil etdi. Bu o‘tgan yil oxiridagi valyuta inqirozidan beri eng past ko‘rsatkichdir.
Aprel oyida iste’mol narxlari yillik 70 foizgacha oshdi, bu bankning 14 foizlik stavkasidan ancha yuqori.
Energiya xarajatlarining o‘sishi fonida joriy hisob taqchilligining kengayishi ham valyutaga bosim o‘tkazmoqda va mamlakatning xorijiy valyuta buferlarini quritmoqda.
13-mayda yakunlangan yetti kun ichida zaxiralar 4,8 mlrd dollarga qisqargan. Bu joriy yilning eng yuqori ko‘rsatkichidir.
Turkiyaning markaziy banki payshanba kuni stavkalar yig‘ilishini o‘tkazadi.
Avvalroq Turkiyada inflyatsiya 20 yildan beri eng yuqori darajaga ko‘tarilgani haqida xabar berilgan edi.
Izoh (0)