Shavkat Mirziyoyev raisligida 23-may kuni o‘tkazilgan yig‘ilishda prezident topshirig‘iga ko‘ra ilg‘or xorijiy tajriba o‘rganilgani ma’lum bo‘ldi. Bu haqda prezident matbuot kotibi xabar qildi.
Qayd etilishicha, shu asosda sportchilarni professional tayyorlash bo‘yicha quyidagi tizim joriy etiladi:
- kollejlar har bir viloyatda olimpiya va paralimpiya sport turlariga tayyorlash markazi sifatida tashkil etiladi;
- markazlar huzurida 5-9-sinflar uchun Olimpiya maktablari, 10-11-sinflar va 1-2-kurslar uchun Olimpiya va paralimpiya kollejlari bo‘ladi;
- bolalar va o‘smirlar sport maktabida yaxshi natija ko‘rsatgan yoshlar Olimpiya maktabiga qabul qilinib, ta’lim oladi va chuqurlashtirilgan sport bilan shug‘ullanadi;
- ixtisoslashgan sport maktablari bitiruvchilari kollejlarga 1-kursga qabul qilinib, tayyorgarlikning uzluksiz tizimi yaratiladi;
- Sport vazirligi huzurida ilg‘or trener va xorijiy ekspertlardan iborat Murabbiylar kengashi tashkil etilib, musobaqalarda eng yuqori natijaga erishgan sportchilarni kollejlarga saralab oladi;
- kollej bitiruvchilari Oliy sport mahorati institutiga qabul qilinadi.
Mavzuga doir:
- O‘zbekistonda sportchilarni mahalladan boshlab tanlab olish bo‘yicha elektron platforma ishga tushiriladi
- Shavkat Mirziyoyev sport maktablarida 36 ta sport turidan 10 tasigina o‘rgatilishini tanqid qildi
- O‘zbekistonda endi sportchilarni tayyorlash va saralab olish bo‘yicha yangicha tizim joriy qilinadi
Izoh (0)