Sirdaryo viloyati Xovos tumanida Lacetti va Nexia ishtirokida yo‘l-transport hodisasi sodir bo‘ldi, deya xabar bermoqda YHXX axborot xizmati.
Ma’lum qilinishicha, 2022-yil 23-may kuni soat 12:45 larda Sirdaryo viloyati Xovos tumani hududidan o‘tgan A-376 avtomobil yo‘lining 234-kilometrida haydovchi Sh.A. boshqaruvidagi Lacetti hamda haydovchi U.N. boshqaruvidagi Nexia avtomobillari ishtirokida to‘qnashuv sodir bo‘lgan.
YTH oqibatida, Lacetti haydovchisi Sh.A. va ushbu avtomobil salonida bo‘lgan yo‘lovchi A.A. og‘ir tan jarohati olib voqea joyida, shuningdek, mazkur avtomobil salonida bo‘lgan yana ikki nafar yo‘lovchi – 2016-yilda tug‘ilgan N.A. va 2019-yilda tug‘ilgan T.A. hamda Nexia haydovchisi N.U. tan jarohati olib shifoxonada vafot etgan.
Nexia avtomobilida bo‘lgan yo‘lovchi, 1992-yilda tug‘ilgan T.J. tan jarohati olib shifoxonaga yotqizilgan.
Mazkur YTH yuzasidan Xovos tumani IIB huzuridagi TB tomonidan tergovga qadar surishtiruv harakatlari olib borilmoqda.
Izoh (0)