France Football nashri tomonidan yilning eng yaxshi futbolchisiga taqdim etiladigan “Oltin to‘p” mukofotining topshirish marosimi 2022-yilning 17-oktabrida bo‘lib o‘tadi. Bu haqda fransuz nashri ma’lum qildi.
Joriy mavsumdan boshlab mukofotni berish tartibi o‘zgaradi. Endi g‘olibni aniqlashda futbolchilarning kalendar yildagi emas, mavsum davomidagi harakatlari hisobga olinadi.
Sovringa da’vogar 30 nafar nomzod ro‘yxati 12-avgust kuni e’lon qilinadi. Oktabrda esa 2021/22-yilgi mavsumning eng yaxshi futbolchisiga “Oltin to‘p” topshiriladi.
2021-yilgi “Oltin to‘p”ga hozirda “PSJ”da to‘p surayotgan Lionel Messi ega chiqqandi. Argentinalik hujumchi faoliyati davomida 7 marta ushbu sovrinni qo‘lga kiritgan.
Izoh (0)