Futbol bo‘yicha Yevropa Chempionlar Ligasi 2022/23-yilgi mavsumi guruh bosqichiga to‘g‘ridan to‘g‘ri yo‘llanma qo‘lga kiritgan barcha 26 jamoa nomi ma’lum bo‘ldi.
Germaniya Bundesligasidan 5 ta jamoa YChL guruh bosqichida o‘ynash huquqini qo‘lga kiritdi. “Bavariya”, “Borussiya D”, “Bayer” va “Leypsig” jadvaldagi yuqori o‘rinlarni egallagan bo‘lsa, “Ayntraxt” Yevropa Ligasi g‘olibi sifatida to‘g‘ridan-to‘g‘ri guruh bosqichiga yo‘llanmani qo‘lga kiritdi.
APLdan “Chelsi” va “Tottenhem” 3 va 4-o‘rinlarni egallagan holda yo‘llanmani hal qildi. Fransiya chempionatida “Marsel” 2-yo‘llanma egasiga aylandi. “Bryugge” Belgiya chempioni sifatida YChL guruh bosqichida ishtirok etadigan 26-jamoaga aylandi. Yana 6 ta jamoa saralash orqali aniqlanadi.
Chempionlar Ligasi 2022/23-yilgi mavsumi guruh bosqichiga yo‘llanmaolgan jamoalar: “Manchester Siti”, “Liverpul”, “Chelsi”, “Tottenhem” (barchasi Angliya), “Real”, “Barselona”, “Atletiko”, “Sevilya” (barchasi Ispaniya), “Milan”, “Inter”, “Napoli”, “Yuventus” (barchasi Italiya), “Bavariya”, “Borussiya D”, “Bayer”, “Leypsig”, “Ayntraxt” (barchasi Germaniya), “PSJ”, “Marsel” (ikkisi Fransiya), “Portu”, “Sporting” (ikkisi Portugaliya), “Zalsburg” (Avstriya), “Seltik” (Shotlandiya), “Ayaks” (Niderlandiya), “Bryugge” (Belgiya) va “Shaxtyor” (Ukraina).
Izoh (0)