Futbol bo‘yicha O‘zbekiston Superligasining 10-turidan o‘rin olgan ikki o‘yin 24-may, seshanba kuni bo‘lib o‘tdi.
“Nasaf” Toshkentda “Bunyodkor” bilan bahs yuritdi. Uchrashuvda hisob 23-daqiqaga kelib, Ibrohim Tomiva tomonidan ochildi, u darvozabonning uzatmasini golga aylantirdi. 36-daqiqaga kelib, Oybek Bozorov ajoyib harakatlari bilan muvozanatni tikladi. Birinchi bo‘lim yakunlanishi arafasida Sharof Muhiddinov jarimadan super gol urib, jamoasini hisobda oldinga olib chiqdi.
Ikkinchi bo‘limda “qarshiliklar” yana ikkita gol urishning uddasidan chiqdi. Bozorov dublga erishgan bo‘lsa, Husayn Norchayev darvozabonni dog‘da qoldirgan holda “ajdarlar”ning yirik g‘alabasini ta’minladi.
Shu tariqa “Nasaf” mehmonda “Bunyodkor” ustidan irodali g‘alabaga erishib, 3 ochko bilan uyga qaytadigan bo‘ldi.
“So‘g‘diyona” “Qo‘qon-1912”ni qabul qilib, 3:0 hisobida hisobidagi g‘alabani tantana qildi. Gollarning barchasi ikkinchi 45 daqiqalikda kiritildi, ularga Shohruz Norxonov, Xislat Xalilov va Doniyor Abdumannopov mualliflik qildi.
Shu tariqa O‘zbekiston Superligasining 10-turidan o‘yinlar yakunlandi. Tur doirasidagi “Olimpik” — “Navbahor” o‘yini Timur Kapadze jamoasining yig‘ini tufayli qoldirilgan. Turda qayd etilgan natijalar va musobaqa jadvali bilan tanishing.
Superliga
10-tur bahslari
24-may, seshanba
“Bunyodkor” — “Nasaf” 1:4
Gollar: 1:0 — 23 Tomiva, 1:1 — 36 Bozorov, 1:2 — 40 Muhiddinov, 1:3 — 57 Bozorov, 1:4 — 69 Norchayev.“Bunyodkor”: 91. Zafar Safoyev, 4. Davron Ergashev, 5. Dilshod Jo‘rayev (19. Bilol Tupliyev, 72), 6. Avazbek O‘lmasaliyev, 7. Odiljon Abdurahmonov (14. Husayn Ergashboyev, 61), 8. Fransis Narx, 17. Farhod Mirahmadov, 22. Usmonali Usmonaliyev (10. Rasul Yo‘ldoshev, 61), 34. Suhrob Izzatov, 37. Muhammadodil Qahramonov, 49. Ibrohim Tomiva.
“Nasaf”: 1. Umidjon Ergashev, 4. Husniddin Aliqulov, 5. G‘olib G‘aybullayev, 7. Sharof Muhiddinov, 8. Dilshod Saitov, 10. Husayn Norchayev ( 99. Semir Samaylagich, 72), 18. Bahrom Abdurahimov (9. Ivan Solovyov, 62), 22. Akmal Mozgovoy, 77. Oybek Bozorov (23. Sardor Sa’dullayev, 82), 88. Marko Stanoyevich (6. Murod Rahmatov, 62), 92. Umar Eshmurodov (17. Suhrob Nurulloyev, 72).
Ogohlantirish: Eshmurodov 21, Tomiva 45+4, Mirahmadov 63.
“So‘g‘diyona” — “Qo‘qon-1912” 3:0
Gollar: 1:0 — 53 Norxonov, 2:0 — 61 Xalilov, 3:0 — 83 Abdumannopov.“So‘g‘diyona”: 27. Milan Mitrovich, 4. Elyor Orifov (7.Shahboz Jo‘rabekov, 46), 6. Iskandar Shoyqulov, 10. Shohruz Norxonov (3.Dian Talxatov, 86), 11. Jasur Hasanov (33.Doniyor Abdumannopov, 65), 12. Xislat Xalilov, 16. Artyom Filiposyan, 19. Javohir Qahramonov (9.Boburbek Farhodov, 73), 21. Abdujalil Manazarov (44.Yure Obshivach, 46), 31. Luka Chermel, 93. Marko Kolakovich.
“Qo‘qon-1912”: 21. Islomjon Abdullayev, 5. Slavko Lukich, 6. Dilshod Rahmatullayev (27.Anvarjon Hojimirzayev, 62), 7. Jamshid Hasanov (18.Shahzodbek Nurmatov, 72), 8. San’at Shixov, 10. Javohir Siddiqov (14.Avazxon Mamatxo‘jayev, 83), 11. Mo‘minjon Meliyev, 15. Oybek Rustamov, 17. Quvondiq Ro‘ziyev, 33. Ivan Yosovich, 77. Murod Xolmuhammadov.
Ogohlantirish: Farhodov 82.
Izoh (0)