Nukus shahrida o‘z joniga qasd qilmoqchi bo‘lgan qiz qutqarib qolingani to‘g‘risida xabar berilgandi. “Yoshlar” telekanalining “Yangi davr” dasturida qiz nima sababdan kanaldan sakrashga uringani ma’lum qilindi.
16-may kuni soat 06:20 larda Qoraqalpog‘iston Respublikasi Favqulodda vaziyatlar boshqarmasi Nukus shahar FVB tezkor boshqaruv guruhi bilan Ichki ishlar vazirligiga o‘zini R.A. deb tanishtirgan fuqarodan shaharning Do‘stlik kanali ustidan o‘tgan ko‘prikdan birov sakramoqchi bo‘layotgani to‘g‘risida xabar kelib tushgan. IIV va FVV xodimlari voqea joyiga yetib kelib, fuqaroning hayoti saqlab qolgan.
Aniqlanishicha, ushbu fuqaro o‘ziga yaqin bo‘lgan do‘sti bilan janjallashib qolgani sabab joniga qasd qilmoqchi bo‘lgan.
Hozirgi vaqtda prokuratura organlari tomonidan tergovga qadar surishtiruv ishlari olib borilmoqda. Ta’kidlanishicha, ayni vaqtda o‘z joniga qasd qilmoqchi bo‘lgan fuqaroning sog‘lig‘i yaxshi.
Eslatib o‘tamiz, 2021-yilning iyulida Qoraqalpog‘istonda IIB xodimi o‘zini temiryo‘l ko‘prigi ustidan tashlamoqchi bo‘lgan 18 yoshli yigitni qutqarib qolgandi.
Izoh (0)