Нукус шаҳрида ўз жонига қасд қилмоқчи бўлган қиз қутқариб қолингани тўғрисида хабар берилганди. «Ёшлар» телеканалининг «Янги давр» дастурида қиз нима сабабдан каналдан сакрашга урингани маълум қилинди.
16 май куни соат 06:20 ларда Қорақалпоғистон Республикаси Фавқулодда вазиятлар бошқармаси Нукус шаҳар ФВБ тезкор бошқарув гуруҳи билан Ички ишлар вазирлигига ўзини Р.А. деб таништирган фуқародан шаҳарнинг Дўстлик канали устидан ўтган кўприкдан биров сакрамоқчи бўлаётгани тўғрисида хабар келиб тушган. ИИВ ва ФВВ ходимлари воқеа жойига етиб келиб, фуқаронинг ҳаёти сақлаб қолган.
Аниқланишича, ушбу фуқаро ўзига яқин бўлган дўсти билан жанжаллашиб қолгани сабаб жонига қасд қилмоқчи бўлган.
Ҳозирги вақтда прокуратура органлари томонидан терговга қадар суриштирув ишлари олиб борилмоқда. Таъкидланишича, айни вақтда ўз жонига қасд қилмоқчи бўлган фуқаронинг соғлиғи яхши.
Эслатиб ўтамиз, 2021 йилнинг июлида Қорақалпоғистонда ИИБ ходими ўзини темир йўл кўприги устидан ташламоқчи бўлган 18 ёшли йигитни қутқариб қолганди.
Изоҳ (0)