O‘zbekistonliklar Rossiyada chet elliklar orasida sodir bo‘lgan YTHlarning eng ko‘p sababchisi bo‘lgani aniqlandi

O‘zbekiston fuqarolari 2021-yilda Rossiyada yo‘l-transport hodisalarini eng ko‘p sodir etgan xorijlik haydovchilar orasida birinchi o‘rinni egalladi. Bu haqda Rossiya IIV Xavfsiz yo‘l harakati ilmiy markazi ma’lumotlariga tayanib, “TASS” xabar berdi.

Ma’lumotlarga ko‘ra, O‘zbekiston fuqarolarining aybi bilan 1290 ta YTH sodir etilgan bo‘lsa, Qirg‘iziston va Tojikiston fuqarolari tufayli mos ravishda 1092 hamda 894 ta avariya sodir bo‘lgan. Shuningdek, top beshlikdan Armaniston (417 ta) va Ozarbayjon (346 ta) o‘rin olgan.

Bundan tashqari, o‘zbekistonliklar xorijlik taksichilar tomonidan sodir etilgan YTHlar soni bo‘yicha ham uchinchi o‘rinni egallagan. 2021-yilda ular 95 ta yo‘l-transport hodisasini sodir etgan.

MDHga a’zo davlatlarning haydovchilar orasida avariya oqibatlarining og‘irligi bo‘yicha eng yuqori ko‘rsatkichni Qozog‘iston va Belarus, MDHga a’zo bo‘lmagan davlat orasida esa Turkiya fuqarolari egallagan.

Rossiya IIVga ko‘ra, 2021-yilda xorijliklar aybi bilan sodir etilgan YTHlar soni ortgan. 5 mingdan ortiq shu kabi avariyalar qayd etilgan bo‘lib, bu 2020-yilga nisbatan 5 foizga ko‘m demak. YTHlar oqibatida 431 kishi halok bo‘lgan, 6 709 kishi jarohatlangan.

Bundan oldin, Rossiyada 36 yoshli o‘zbekistonlik 2 oy ichida yo‘l harakati qoidalarini 131 marta buzgani ma’lum bo‘lgandi.