Жиззах вилояти Зафаробод туманида МЧЖга ажратилган ерни сотмоқчи бўлган фирибгар ушланди, дея хабар қилмоқда Иқтисодий жиноятларга қарши курашиш департаменти.
Бош прокуратура ҳузуридаги департамент ҳамда ДХХнинг Жиззах вилояти бошқармалари томонидан ўтказилган тезкор тадбирда, «Г.б.» МЧЖнинг ёлланма ишчиси С.Қ. МЧЖга Зафаробод тумани ҳудудидан ажратилган 40 гектар сувли ер майдонини фуқаро А.га фирибгарлик йўли билан ҳар бир гектарини 5 миллион сўмдан жами 200 миллион сўмга сотишга келишиб, шундан 160 миллион сўмини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Тошкентда фуқаронинг Қирғизистондаги ўқишини 8 минг доллар эвазига Тошкент тиббиёт академиясига кўчириб беришни ваъда қилган шахс ушланди
- Тошкент вилоятида тиббиёт ходимини бош шифокор ўринбосари этиб тайинлашга ёрдам бериш учун 1,3 минг доллар олган шахслар ушланди
- Навоий ва Наманган вилоятларида ер майдонларини ноқонуний равишда сотишга уринган шахслар ушланди
Изоҳ (0)