Vazirlar Mahkamasining “2022—2026-yillarda Sirdaryo viloyati hududlarini kompleks ijtimoiy-iqtisodiy rivojlantirish va aholi turmush darajasini yanada yaxshilashga doir qo‘shimcha chora-tadbirlar to‘g‘risida”gi qarori qabul qilindi. Bu haqda Norma xabar qildi.
Besh yillik davrda Sirdaryo viloyatini rivojlantirishning kompleks dasturi aholi va tadbirkorlarda mavjud muammolarni bartaraf etish bo‘yicha amaliy chora-tadbirlarni o‘z ichiga oladi.
Hujjat bilan quyidagilar tasdiqlandi:
- aholini qiynab kelayotgan mavjud muammolarni bartaraf etish bo‘yicha amaliy tadbirlarni o‘z ichiga olgan “yo‘l xaritasi”;
- Sirdaryo viloyati shahar va tumanlarining ixtisoslashuvi, “o‘sish nuqtalari” va “drayver sohalari”;
- sanoat, qishloq xo‘jaligi va xizmat ko‘rsatish sohalarini rivojlantirish bo‘yicha investitsiya loyihalarining yig‘ma parametrlari;
- 2022-yilda Sirdaryo viloyatida muhandislik-kommunikatsiya, ishlab chiqarish va xizmat ko‘rsatish infratuzilmasini rivojlantirish hamda ijtimoiy soha obyektlarini qurish, rekonstruksiya qilish va ta’mirlash bo‘yicha kompleks tadbirlar;
- Sirdaryo viloyatning shahar va tumanlarida ijtimoiy va ishlab chiqarish infratuzilmasini rivojlantirish bo‘yicha shakllantirilgan istiqbolli loyihalarning manzilli ro‘yxati.
Bundan avval Jizzax, Andijon, Qashqadaryo viloyatlari va Qoraqalpog‘istonni rivojlantirishning besh yillik dasturi tasdiqlangandi.
Izoh (0)