Samarqand viloyatining Urgut tumanida propan gaz balloni ichiga yashirilgan giyohvandlik moddalarini olish vaqtida portlash sodir bo‘ldi, deb xabar beradi viloyati IIB axborot xizmati.
Ma’lum qilinishicha, Dushanbe va Boxtar shaharlarida yashovchi 44 yoshli D.O. hamda S.S. propan gaz balloni ichiga yashirincha joylashtirilgan opiy giyohvandlik moddasini Tojikistondan O‘zbekistonga olib o‘tgan va sotish maqsadida Urgut tumanida yashovchi tanishi, 43 yoshli M.F.ning yashash xonadoniga kelgan.
Ular propan gaz balloni ichidan giyohvandlik moddalarini olayotganida gaz chaqnashi oqibatida kuyib, tuman shifoxonasiga olib borilgan.
O‘tkazilgan tekshiruvlar natijasida propan gaz balloni ichida sellofan paketga o‘ralgan 244,19 gramm opiy giyohvandlik vositasi borligi aniqlanib, protsessual tartibda hujjatlashtirilgan.
Shuningdek, Davlat xavfsizlik xizmati viloyat boshqarmasi hamda viloyat IIB xodimlari bilan o‘tkazilgan yana bir tadbirda Ishtixon tumanida yashovchi, 40 yoshli Q.A. boshqaruvida bo‘lgan Nexia-2 rusumli avtomashinada 1 kilogramm 8,16 gramm opiy giyohvandlik vositasi borligi aniqlanib, daliliy ashyo sifatida hujjatlashtirib olingan.
Hozirda ushbu fuqarolarga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Toshkent viloyatida Tojikistondan kirib kelgan yuk poyezdi tagiga yashirilgan narkotik topilgani, DXX Surxondaryoda 23,5 kg giyohvandlik moddalarini musodara qilgani, DXX Buxoroda giyohvand moddani 2,5 ming dollarga sotishga uringan Afg‘oniston fuqarosini ushlagani to‘g‘risida xabar berilgandi.
Mavzuga doir:
- Toshkent viloyatida Tojikistondagi narkokuryer yuborgan 9 kilodan ortiq giyohvand moddani sotib bermoqchi bo‘lgan shaxslar ushlandi
- DXX hududlarda giyohvand moddalar savdosiga chek qo‘ydi (video)
- Toshkent viloyatida tojikistonlik shaxs salkam 11 kg gashish giyohvand moddasi bilan qo‘lga tushdi (video)
Izoh (0)