Toshkent shahar Uchtepa tumanidagi hovli kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga fuqarolik ishlari bo‘yicha sud hukmi bilan Yakkasaroy tumani MIB tomonidan joylashtirilgan. 2000-yilda qurilgan 2 qavatli uy 6 xonadan iborat.
Yer uchastkasining umumiy maydoni — 0,06 gektar. Binoning maydoni — 206 kvadrat metr. Hovlida gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 2 mlrd so‘m. Arizalar 16-may 09:00 ga qadar qabul qilinadi. Savdolar xuddi shu kuni 10:00 da boshlanadi.
Lot izohida yozilishicha, uyda fuqarolar yashaydi. Uy ichidagi jihozlar sotuvga qo‘yilmagan, garovga faqatgina ko‘chmas mulk qo‘yilgan.
Avvalroq Toshkentda fuqarolar yashovchi hovli MIB tomonidan 2,6 mlrd so‘mga auksionga qo‘yilgani haqida xabar berilgan edi.
Izoh (0)