Фильмдаги қаҳрамонларининг ҳис-туйғу ва муаммоларини реал кўрсата олган маҳоратли актёр ва актрисалар (фото)

Кўпинча кинода шунақанги идеал одамларни кўрсатишадики, томошабинлар уларга ҳамдард бўлолмайди. Аммо шундай реалистик фильмлар ва сериаллар ҳам борки, уларда қаҳрамонлар йиғлайди, кулади ва ҳақиқий одамлар каби яшайди. Бундай кадрларда актёрларнинг истеъдодли ва визажистларнинг маҳорати аниқ намоён бўлади.

Кейт Уинслет — «Исттаунлик Мейр»

Кейт одатда фотоларни ретушлаш ва қайта ишлашга салбий муносабатда бўлиб, бу «Исттаунлик Мейр» телесериалида тўлиқ намоён бўлган. Актриса ажинларини яширишни ҳам хоҳламади. Томошабинлар эса ўзи каби оддий одамни томоша қилаётганига тобора кўпроқ ишонди.

Эва Грин — «Эйфория»

Эва Гриннинг қаҳрамони депрессияни бошдан кечирмоқда. Кадрда у кўз ёш тўкмаса ҳам, қизнинг ички ҳолатини ташқи кўринишидан билиб олиш мумкин. Кенг кийим қаҳрамоннинг вазн йўқотганини кўрсатмоқда. Сўниқ нигоҳ, рангпар тери, ҳатто кўз остидаги қора ҳалқалар — буларнинг барчаси психологик муаммоларни кўрсатади.

Женнифер Энистон — «Торт»

Женнифер Энистоннинг қаҳрамони доимий оғриқ билан яшайди, у ҳар доим ҳам маникюр ҳақида қайғурмайди — унинг нотекис, бироз синган тирноқларини кўриш мумкин. Аммо бу образни бузмайди, балки характерга реализм қўшади.

Лиза Тейге ва Юсефина Фрида Петтерсон — «Уят»

«Уят» сериалининг қаҳрамонлари ўсмир қизлар бўлиб, улар ролга жуда мос тушган. Терисининг номукаммаллиги, сочларининг бироз пахмайгани, совуқдан қизариб кетган бурунлари ҳаётий чиққан. Оддий одамлар совуқда кўчага чиққанда худди шундай кўринади.

Николай Костер-Валдау — «Муз билан кураш»

Николай Костер-Валдау қаҳрамони оғир шароитда, қаҳратон совуқда қолиб кетган. Бу унинг юзида акс этади: ёноқларида музлаш излари кўринади.

Лили Коллинз — «Хўрланганлар»

«Хўрланганлар» — жиддий драма. Аммо истеъдодли актриса Лили Коллинз ролга туша олди: унинг ҳис-туйғуларига ишониш учун қизариб кетган кўзларига ва бироз шишган юзига қараш кифоя.

Марго Робби — «Икки қиролича»

Актриса замонавий юз муолажалари ҳали ихтиро қилинмаган даврда яшаган персонажни ўйнади. Образ ишонарли чиқиши учун теридаги камчиликларни кўришимиз ажабланарли ҳол эмас, албатта.

Николь Кидман – «Юмилган кўзлар билан»

«Юмилган кўзлар билан» фильмидаги Николнинг қаҳрамони ҳаётда омади юришмаганлардан. Аёл азоб чекади ва жуда реал тарзда йиғлайди — бу қизариб кетган кўзлар ва бурунда аниқ кўринади.

Скарлетт Йоханссон — «Болейннинг яна бир қизи»

Скарлетт экранда тарихий характерни гавдалантирди. Ўша даврларда брекетлар ва тиш пластинкалари йўқ эди, шунинг учун қаҳрамоннинг бир оз нотекис тишларида ҳеч қандай сунъийлик йўқ. Аксинча, бу қизнинг юзидаги ҳис-туйғулар каби табиий ва ишонарли чиққан.

Женнифер Коннелли — «Орзудаги мотам куйи»

Женнифернинг қаҳрамони қийин даврни бошдан кечиради, ваниҳоят стресс кўз ёшлари билан чиқиш йўлини топди. Бу икки ёки учта томчи кўз ёш эмас — том маънода унинг бутун юзи, шу жумладан, бурни ва лаблари ҳам намланган. Одатда одам кўп йиғласа шундай бўлади.