Instagram: Asal Shodiyeva oilasidagi shodiyona, Izzat Shukurovning onasiga syurprizi, Muqaddas Sa’dullayevaning xeyterlariga murojaati

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Bollivud yulduzlari Saif Ali Xon va Karina Kapur barcha muxlislarini Hayit bilan tabrikladi.

Muqaddas Sa’dullayeva otasining o‘limidan so‘ng uning har bir harakatiga tanqidiy baho berayotgan xeyterlariga murojaat qilib, tinch yashashga qo‘yishni so‘radi.

Sitora Alimjonova bir yildan beri suratga olinayotgan “Parixona” serialida “qamaldi”.

Xonanda Izzat Shukurov onasini tug‘ilgan kuni bilan ta’sirli tarzda tabrikladi.

Hind kino yulduzi Katrina Kaif onasining tug‘ilgan kuni munosabati bilan unga atalgan iliq so‘zlarini yozib qoldirdi.

Sevinch qizi Leyla bilan Istanbul shahrida hordiq chiqarmoqda.

Aktrisa Jamila G‘ofurova farzandlarining suratini sahifasiga joyladi.

Hosila Rahimova Turkiyaning Istanbul shahrida to‘y xizmatlari uchun ko‘ylaklar sotib olish jarayoni aks etgan videoni sahifasiga joyladi.

Oybek va Nigora kuzatuvchilariga tog‘ yon bag‘ridan ko‘rinish berdi.

“Tohir va Zuhra” filmida sevishgan juftlik obrazini yaratgan Tohir Sodiqov hamda Parizoda Bo‘rixo‘jayeva 20 yildan so‘ng tadbirda ko‘rishib qoldi.

Shahlo Ahmedova sahifasiga bir muddatlik tanaffusdan so‘ng yangi surat joyladi.

Xonanda Gulasal Abdullayeva Farg‘onadagi xonadonidan kuzatuvchilari uchun reportaj tayyorladi.

Bunyodbek Saidov bir kunini oilasiga bag‘ishlagani haqida kuzatuvchilariga so‘zlab berdi.

Asal Shodiyeva bobosi Mirzakalon Shodiyevning 81 yoshga to‘lishi munosabati bilan poytaxtdagi restoranlardan birida katta ziyofat tashkillashtirdi. Tantanada ko‘plab shou-biznes vakillari mehmon bo‘ldi.

Shuningdek, Asal Shodiyeva o‘zining “Uchta so‘z” deb nomlangan qo‘shig‘iga ishlangan klipni ham muxlislariga taqdim etdi.