Futbol bo‘yicha Belarus Oliy Ligasining 6-turida “Energetik-BGU” 2-may, dushanba kuni “Neman” maydoniga safar qildi.
Uchrashuv Minsk klubining 4:1 hisobidagi g‘alabasi bilan yakunlandi. E’tiborlisi, mehmonlarning 4 ta goliga ham o‘zbekistonlik futbolchilar mualliflik qildi. Bobur Abduxoliqov 7, 27 va 87-daqiqalarda o‘z nomini tabloga yozdirib qo‘yib, het-trik muallifiga aylangan bo‘lsa, Abduqodir Husanov 85-daqiqada jarima zarbasidan ajoyib gol urishga muvaffaq bo‘ldi.
Qayd etish kerak, “Energetik-BGU” safida Abduxoliqov va Husanovdan tashqari Shohruxbek Abdurahmonov ham harakat qiladi. Har uchala o‘zbekistonlik futbolchi mazkur uchrashuvda asosiy tarkibda maydonga tushib, to‘liq 90 daqiqa harakat qildi.
Ushbu g‘alabadan keyin “Energetik-BGU”ning ochkolari soni 13 taga yetdi, jamoa musobaqa jadvalida 2-o‘rinda bormoqda. Hisobida 8 ta gol va 1 ta golli uzatma bo‘lgan Bobur Abduxoliqov esa chempionatning eng samarali o‘yinchisi bo‘lib turibdi.
Belarus Oliy Ligasi
6-tur bahsi
2-may, dushanba
“Neman” – “Energetik-BGU” 1:4
Gollar: 0:1 – 7 Abduxoliqov, 0:2 – 27 Abduxoliqov, 1:2 – 42 Pavlyukoves, 1:3 – 85 Husanov, 1:4 – 87 Abduxoliqov.“Neman”: Vasilyev, Anyukevich, Maliyevskiy, Jimo (Mazurich, 82), Yakimov (Gribovskiy, 72), Jukovskiy (Zubovich, 46), Legchilin, Kadimyan (Shukurov, 46), Saviskiy, Pavlyukoves, Kuadio (Pasevich, 68).
“Energetik-BGU”: Makushinskiy, Svirepa (Samotoy, 70), Makavchik, Lavrik, Pashevich, Silinskiy (Xlebosolov, 70), Abdurahmonov, Rilach (Maliskiy, 90), Husanov, Abduxoliqov (Kunskiy, 89), Papariga (Grishenko, 63).
Izoh (0)