Chempionlar Ligasining 1/2 finali javob o‘yinlariga hakamlar tayinlandi.
“Liverpul” safarda 3-may kuni “Vilyarreal” bilan bahs yuritadi (birinchi o‘yin — 2:0). Ushbu uchrashuvni niderlandiyalik Danni Makkeli boshqarib boradi.
4-may, chorshanba oqshomida Madridda bo‘lib o‘tadigan “Real” — “Manchester Siti” qarama-qarshiligiga (birinchi o‘yin — 3:4) esa italiyalik Daniele Orsato tayinlandi.
Har ikkala o‘yinning ham boshlanish vaqti Toshkent vaqti bilan 00:00 ga belgilangan. Mazkur juftliklar g‘oliblari 28-may kuni bo‘lib o‘tadigan finalga yo‘l oladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)