Oston O‘runov “Ufa” bilan ijara shartnomasi yakuniga yetgach, “Spartak”ka qaytishi mumkin.
Ijara shartnomasi tuzilishidan oldin klublar “Ufa” o‘zbekistonlik yarim himoyachini sotib olishi borasida og‘zaki kelishib olgan edi. Biroq ayni damda “Ufa” rahbariyati ushbu transferni amalga oshirishni rejalashtirmayapti, deya xabar beradi Metaratings.
Avvalroq ufaliklar bosh murabbiyi Aleksey Stukalov o‘z o‘yini bilan hayratga solmayotgan futbolchini sotib olish zarurligiga shubha qilayotgani xabar qilingandi.
Qolaversa, “Spartak”ning jamoa sobiq direktori va hozirda shu lavozimda “Ufa”da faoliyat olib borayotgan Shamil Gazizov bilan sud jarayoni ham kelishuvga xalal berayotgani taxmin qilinmoqda. Moskvaliklar O‘runovning “Spartak”ka o‘tishiga bosh bo‘lgan Gazizovdan 88 million rublni qaytarishni talab qilmoqda.
Agar 21 yoshli futbolchi “Spartak”ka qaytadigan bo‘lsa, Moskva klubi uni sotishga harakat qiladi.
Oston umumiy hisobda 2021/22-yilgi mavsum “Ufa” safida Rossiya chempionati doirasida 12 ta o‘yin o‘tkazgan.
Izoh (0)