“Manchester Yunayted” Chempionlar Ligasi o‘yinida muxlislarning xatti-harakati tufayli jazoga tortildi.
Chempionlar Ligasi chorak finali javob bahsi doirasida “Atletiko”ga qarshi kechgan o‘yin (0:1) yakunida “Old Trafford”ga tashrif buyurganlarning bir qismi madridliklar bosh murabbiyi Diyego Simeonega turli buyumlarni uloqtirgan. Argentinalik mutaxassis tribuna ostiga yugurgan.
UEFA muxlislarning bu qilmishi uchun “Manchester Yunayted”ni 10 ming yevro jarimaga tortdi.
Shuningdek, Yevropa futbol assotsiatsiyalari ittifoqi “Liverpul”ga qarshi iqtisodiy sanksiyalar qo‘llagan. Mersisaydliklar Lissabondagi “Benfika”ga qarshi o‘yinga o‘z aybi bilan kechikkanligi uchun 10 ming yevro to‘lashi kerak bo‘ladi. Bosh murabbiy Yurgen Klopp esa UEFAdan ogohlantirish olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)