“Derbi Kaunti” bosh murabbiyi Ueyn Runi “Byornli” jamoasini boshqarishi mumkin.
The Sun’ning xabariga ko‘ra, “Byornli” rahbariyati Runi jamoani jonlantirishga yordam beradi, deb hisoblamoqda.
Hozirda jamoa Angliya chempionatida 31 ochko to‘plagan holda 17-o‘rinda bormoqda. “Byornli”ni xavfli zonadan atigi 2 ochko ajratib turibdi.
Avvalroq “Byornli” jamoada 9 yil faoliyat yuritgan Shon Daychni iste’foga chiqargandi.
Runi “Derbi Kaunti”ni 2021-yil yanvar oyidan buyon boshqarib kelmoqda. Uning qo‘l ostida jamoa muddatidan avval Chempionshipni tark etdi. Mavsum davomida “Derbi” moliyaviy qiyinchiliklarni boshidan kechirmoqda. Ushbu mavsum klubda tashqi boshqaruv joriy etildi. Klub xo‘jayinlari xaridor topishga urinmoqda, ammo hozircha ular bunga erishgani yo‘q. Moliyaviy qoidalarni buzganlik uchun klubdan 21 ochko olib tashlangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)