“Real” bosh murabbiyi Karlo Anchelotti “Manchester Siti”ga qarshi o‘yindan (3:4) so‘ng o‘z fiklari bildirib o‘tdi.
Birinchi o‘yin biz uchun yomon natija bilan yakunlandi. Yaxshi himoyalanmaganimiz sababli to‘rtta gol o‘tkazib yubordik.Chempionlar Ligasi yarim final dastlabki o‘yinida “Manchester Siti” “Real”ni 4:3 hisobida mag‘lub etdi. Jamoalar o‘rtasidagi javob uchrashuvi 4-may sanasida bo‘lib o‘tadi.Bu hisob qarama-qarshilikning natijasini hal qilishi mumkin. “Manchester Siti” — kuchli raqib, o‘yinda buni isbotladi, ammo biz ham raqobatlasha oldik. Eng yaxshi himoya finalga yo‘l ochadi.
To‘rtta himoyachi bilan pozitsiyani yopa olmaysiz, yarim himoyachilarning ham yordami zarur. Biz individual duellarda mag‘lub bo‘ldik va endi ehtiyotkorlik bilan harakat qilishimiz kerak.
Imkoniyatlarimiz bo‘ldi, ammo to‘psiz qiyin ahvolga tushib qoldik. Biroq, o‘zingizga bo‘lgan ishonchni saqlab qolish lozim.
Benzemaning penaltisi haqida gapiradigan bo‘lsak, ijrochini almashtirish xayolimizga ham kelmagan. Biz Karimga ishonamiz. Hamma uning o‘ng tomonga zarba berishini kutgandi, ammo u markazga tepdi. Hammasi joyida, “Santyago Bernabeu”dagi javob o‘yinida mo‘jiza kutamiz.
“Manchester Siti” juda yaxshi o‘ynamoqda. Salbiy tomoni shundaki, biz to‘rtta gol o‘tkazib yubordik, ijobiy tomoni esa, uchta gol urdik.
Karlo Anchelotti, “Real” bosh murabbiyi
Mavzuga doir:
Izoh (0)