«Реал» бош мураббийи Карло Анчелотти «Манчестер Сити»га қарши ўйиндан (3:4) сўнг ўз фиклари билдириб ўтди.
Биринчи ўйин биз учун ёмон натижа билан якунланди. Яхши ҳимояланмаганимиз сабабли тўртта гол ўтказиб юбордик.Чемпионлар Лигаси ярим финал дастлабки ўйинида «Манчестер Сити» «Реал»ни 4:3 ҳисобида мағлуб этди. Жамоалар ўртасидаги жавоб учрашуви 4 май санасида бўлиб ўтади.Бу ҳисоб қарама-қаршиликнинг натижасини ҳал қилиши мумкин. «Манчестер Сити» — кучли рақиб, ўйинда буни исботлади, аммо биз ҳам рақобатлаша олдик. Энг яхши ҳимоя финалга йўл очади.
Тўртта ҳимоячи билан позицияни ёпа олмайсиз, ярим ҳимоячиларнинг ҳам ёрдами зарур. Биз индивидуал дуэлларда мағлуб бўлдик ва энди эҳтиёткорлик билан ҳаракат қилишимиз керак.
Имкониятларимиз бўлди, аммо тўпсиз қийин аҳволга тушиб қолдик. Бироқ, ўзингизга бўлган ишончни сақлаб қолиш лозим.
Бенземанинг пенальтиси ҳақида гапирадиган бўлсак, ижрочини алмаштириш хаёлимизга ҳам келмаган. Биз Каримга ишонамиз. Ҳамма унинг ўнг томонга зарба беришини кутганди, аммо у марказга тепди. Ҳаммаси жойида, «Сантьяго Бернабеу»даги жавоб ўйинида мўъжиза кутамиз.
«Манчестер Сити» жуда яхши ўйнамоқда. Салбий томони шундаки, биз тўртта гол ўтказиб юбордик, ижобий томони эса, учта гол урдик.
Карло Анчелотти, «Реал» бош мураббийи
Изоҳ (0)