Toshkent va Markaziy Osiyoning boshqa qator davlatlariga “Mehnat jasorati shahri” maqomi berilishi mumkin. Bu haqda Rossiya tarixiy jamiyati boshqaruv raisi Konstantin Mogilevskiyga tayanib, “Sputnik Qirg‘iziston” xabar berdi.
Ro‘yxatdan, shuningdek, Bishkek (Qirg‘iziston), Dushanbe (Tojikiston) va Qozog‘istonning Nur-Sulton, Olmaota, Chimkent, Aqto‘be, Qarag‘anda, Kostanay, Petropavlovsk, Semey, Taraz, Uralsk, Ust-Kamenogorsk shaharlari o‘rin olgan.
Ushbu taklif MDH davlatlari parlamentlararo assambleyasidan chiqqan. Rossiyada esa bu kabi faxriy maqom prezident qarori bilan beriladi.
“Ishlab chiqarishlar u yerlarga joylashtirilgani, jangovar armiyaning haqiqiy orqa frontiga aylangan ushbu shaharlar g‘alabaga (Ikkinchi jahon urushidagi — tahr.) qo‘shgan ulkan hissasi sabab tom ma’noda mazkur maqom uchun navbatda turibdi. Rossiyada ham bir nechta to‘lqinlar bo‘ldi. Prezident qarori bilan adashmasam, 50 ta shaharga ushbu faxriy maqom berildi. Ular katta va kichik shaharlar, tuman markazlaridir. Bu nima uchun kerak? Mazkur shaharlarda istiqomat qiluvchi odamlar bu xotiraning ahamiyatini tushunishlari va o‘z farzandlariga yetkazishlari uchun kerak”, — deydi tarixchi.
Mavzuga doir: Qo‘qonga jahon hunarmandlar shahri maqomi berildi
Izoh (0)