Тошкент ва Марказий Осиёнинг бошқа қатор давлатларига «Меҳнат жасорати шаҳри» мақоми берилиши мумкин. Бу ҳақда Россия тарихий жамияти бошқарув раиси Константин Могилевскийга таяниб, «Sputnik Қирғизистон» хабар берди.
Рўйхатдан, шунингдек, Бишкек (Қирғизистон), Душанбе (Тожикистон) ва Қозоғистоннинг Нур-Султон, Олмаота, Чимкент, Ақтўбе, Қарағанда, Костанай, Петропавловск, Семей, Тараз, Uralsк, Уст-Каменогорск шаҳарлари ўрин олган.
Ушбу таклиф МДҲ давлатлари парламентлараро ассамблеясидан чиққан. Россияда эса бу каби фахрий мақом президент қарори билан берилади.
«Ишлаб чиқаришлар у ерларга жойлаштирилгани, жанговар армиянинг ҳақиқий орқа фронтига айланган ушбу шаҳарлар ғалабага (Иккинчи жаҳон урушидаги — таҳр.) қўшган улкан ҳиссаси сабаб том маънода мазкур мақом учун навбатда турибди. Россияда ҳам бир нечта тўлқинлар бўлди. Президент қарори билан адашмасам, 50 та шаҳарга ушбу фахрий мақом берилди. Улар катта ва кичик шаҳарлар, туман марказларидир. Бу нима учун керак? Мазкур шаҳарларда истиқомат қилувчи одамлар бу хотиранинг аҳамиятини тушунишлари ва ўз фарзандларига етказишлари учун керак», — дейди тарихчи.
Мавзуга доир: Қўқонга жаҳон ҳунармандлар шаҳри мақоми берилди
Изоҳ (0)