Avvalroq “O‘zavtosanoat” elektromobil ishlab chiqarish BYD kompaniyasi bilan hamkorlik qilishi haqida xabar berilgan edi.
Yaqinda BYD mutaxassislari Toshkentga kelib, bozor va ko‘rsatkichlarni o‘rgandi. Bu haqda Axborot va ommaviy kommunikatsiyalar agentligida o‘tkazilgan matbuot anjumanida “O‘zavtosanoat” vakili Shavkatbek Alimov ma’lum qildi.
Biznes-reja ishlab chiqilmoqda. Nafaqat elektromobillar, balki akkumulyatorlar, shuningdek, SamAvto negizida avtobuslar ishlab chiqarish bo‘yicha ham hamkorlik qilmoqchimiz, — dedi Alimov.
May oyida O‘zbekistonga Xitoydan sinov elektromobillar keltiriladi. Xaridorlarga qanday variantlar kerakligini tushunish uchun ular bilan car-clinic o‘tkaziladi. Ishlab chiqarish 2023-yilda boshlanishi rejalashtirilgan.
Avvalroq O‘zbekistonda elektromobil ishlab chiqarishni yo‘lga qo‘yishi mumkin bo‘lgan BYD kompaniyasi haqida nimalar ma’lumligi haqida xabar berilgan edi.
Izoh (0)