UzAuto Motors’ning 2022-yilning yanvar—mart oylaridagi umumiy daromadi 8,6 trillion so‘mni tashkil etdi. Bu haqda “Daryo”ga kompaniya moliyaviy hisobotidan ma’lum bo‘ldi.
Kompaniyaning daromadi 2021-yilga nisbatan deyarli ikki baravar oshdi. O‘tgan yilning aynan shu davrida UzAuto Motors 4,4 trillion so‘m daromad ko‘rgan. Mahsulot tannarxi ham sezilarli darajada oshdi – 3,5 trillion so‘mdan 7,2 trillion so‘mga yetdi.
Kompaniyaning xarajatlari 7,6 trillion so‘mni tashkil etdi. UzAuto Motors 143 milliard so‘m soliq to‘lagan.
Shunaqa qilib, birinchi uch oyda sof foyda 619,6 milliard so‘mni tashkil etdi. Bu o‘tgan yilning shu davriga nisbatan qariyb ikki barobar ko‘pdir — unda 352,2 milliard so‘m edi.
Avvalroq O‘zbekistonda mart oyida eng ko‘p qaysi avtomobil ishlab chiqarilgani ma’lum bo‘lgan edi.
Izoh (0)